فیروزوالہ(نامہ نگار) فیکٹر ی ایریا پولیس نے جرائم پیشہ عناصر کے خلا ف کاروائی کرتے ہوئے چار اشتہاری ملزموں سمیت دس ارکان کو گرفتار کر لیا ۔ ڈی پی او شیخوپورہ غلام مبشر میکن کی ہدایت پر اور ڈی ایس پی فیروزوالہ کی نگرانی میں تھانہ فیکٹری ایریاکے ایس ایچ او رانا قبال کی سر براہی میں اے ایس آئی رانا غلام سرور نے دیگر اہلکاروں کے ہمراہ مختلف مقامات پر چھاپے مار کر قتل ، ڈکیتی اور دیگر سنگین وارداتوں میں ملوث چار اشتہاری ملزموں کو گرفتار کر لیا پولیس نے منشیات فروخت کرنے اور نا جائز اسلحہ رکھنے کے الزام میں چھ افراد کو گرفتار کرکے ان کے قبضہ سے بھاری مقدار میں اسلحہ اور منشیات برآمد کر لی ۔ علاوہ ازیں پولیس نے مفرور اشتہاری ملزم ندیم کو پناہ دینے کے الزام میں قاسم کو حراست میں لے لیا ۔