سیالکوٹ: کمرے میں کوئلے جلانے سے 2 خواتین بے ہوش، ہیٹر سے آگ لگنے پر بزرگ زندہ جل گیا
سیالکوٹ (نامہ نگار + نمائندہ خصوصی) ٹھنڈ سے بچنے کیلئے کمرے میںکوئلے جلانے والی دو خواتین بے ہوش ہو گئیں۔ ریسکیو 1122کے مطابق شفیع دا بھٹہ کے علاقہ میں سردی سے بچنے کیلئے 65سالہ رضیہ بی بی اور 28سالہ صباء بی بی نے کمرے میں کوئلے جلا کر لیٹ گئیں۔ کوئلے جلانے سے کمرہ میں آکسیجن کی کمی کے باعث دونوں خواتین بے ہوش ہو گئیں۔ بروقت اطلاع ملنے پر ریسکیو اہلکاروں نے دونوں کو طبی امداد دیتے ہوئے انہیں ہسپتال منتقل کر دیا۔ نواحی گاؤں وریو میں گیس ہیٹر سے آگ لگنے سے 75 سالہ بزرگ زندہ جل گیا۔ بتایا گیا ہے کہ قصبہ وریو میں 75 سالہ بزرگ رشید احمد نے کمرہ میں گیس ہیٹر جلارکھا تھا‘ گیس ہیٹر سے آگ لگنے سے رشید احمد زندہ جل گیا اور موقع پر چل بسا۔
