لاہور (نامہ نگار) غالب مارکیٹ چوکی پولیس کی گلبرگ میں بہن، بھائی کو مبینہ طور پرسڑک پرکان پکڑوا کر اٹھک بیٹھک کرانے کی ویڈیو فوٹیج سامنے آئی ہے۔ پولیس کے مطابق ملزم نے پارکنگ میں موجود پولیس کی گاڑی کے سامنے خود ساختہ ویڈیو بنا کر پولیس کو بدنام کرنے کی شازش کی ہے۔ سی سی پی او لاہور محمد عمر شیخ نے واقعہ کا نوٹس لیتے ہوئے ایس ایس پی آپریشن سے رپورٹ طلب کر لی ہے۔ متاثرہ نوجوان کا کہنا ہے کہ وہ اپنی بہن کے ساتھ فیکٹری سے گھر جا رہا تھا کہ پولیس اہلکاروں نے سڑک کنارے روک کر شناختی کارڈ نہ ہونے پر تھپڑ مارے اور بہن کی تلاشی لی اور اٹھک بیٹھک کرائی۔ ہم غریب آدمی ہیں۔ ہم نے کسی پولیس والے کے خلاف کیا کارروائی کرنی ہے۔ پولیس ترجمان کے مطابق ملزم وسیم بھٹی سابقہ ریکارڈ یافتہ اور غیر اخلاقی سرگرمیوں سمیت متعدد مقدمات میں ملوث ہے۔ غالب مارکیٹ پولیس نے گزشتہ روز ملزم کے خلاف کارسرکار میں مزاحمت سمیت مختلف دفعات کے تحت مقدمہ درج کیا تھا۔ ملزم کی ایماء پر پارکنگ میں موجود پولیس کی گاڑی کے سامنے خود ساختہ ویڈیو بنا کر پولیس کو بدنام کرنے کی شازش کی گئی ہے۔ ،ایس ڈی پی او گلبرگ شہزاد رفیق نے کہا ہے  سیف سٹی اتھارٹی سے واقعہ کی فوٹیج لے کر حقائق سے پردہ اٹھایا جائے گا۔