راولپنڈی(اپنے سٹاف رپورٹر سے)وزیر جیل خانہ جات پنجاب فیاض الحسن چوہان نے پی ڈی ایم کی بہاولپور ریلی پر اپنے ردعمل میں کہا ہے کہ پی ڈی ایم کی جلسیوں اور ریلیوں کی اصلیت اور حیثیت گونگلووں سے مٹی جھاڑنے سے زیادہ کچھ نہیں ہے۔فیاض الحسن چوہان نے کہا کہ آصف علی زرداری اور شہباز شریف نے پی ڈی ایم کا ٹائر پنکچر کر دیا ہے، اور یہ ٹائر اب شارٹ، میڈیم اور لانگ سمیت کسی مارچ کے قابل نہیں رہا وزیرِ جیل خانہ جات پنجاب نے پی ڈی ایم قیادت کو یاد دہانی کراتے ہوئے کہا کہ انکی استعفے جمع کرانے کی آخری تاریخ گزرے چاد دن ہو گئے ہیںاب پی ڈی ایم قیادت کو چاہیئے کہ وہ وزیراعظم عمران خان کی ملکی ترقی کی کلاسز میں داخلہ لے لیں۔ فیاض الحسن چوہان نے پی ڈی ایم کی استعفوں کی کہانی بیان کرتے ہوئے کہا کہ آر پار، استعفے، لانگ مارچ سے مکرنے کے بعد اب ضمنی الیکشن میں حصہ لینے کا فیصلہ نئے سال کا سب سے بڑا یو ٹرن ہے حافظ حسین احمد کے بقول فضل الرحمن کی جے یو آئی (ف) صرف ذاتی فوائد تک محدود ہو چکی ہے فیاض الحسن چوہان نے کہا کہ ستر سال ملک کا ستیاناس کرنے والوں کو ایک اور موقع ہرگز نہیں دیا جا سکتا۔