نوشہرہ (نوائے وقت رپورٹ) وزیر دفاع پرویز خٹک نے نجی ٹی وی سے گفتگو میں کہا ہے کہ پی ڈی ایم لانگ مارچ اور استعفوں کا شوق جلد پورا کر لے ہمیں اپوزیشن کے استعفوں کا انتظار ہے کیونکہ اپوزیشن ک استعفوں سے اس ملک کی بہتری ہو گی اپوزیشن جلد سے جلد استعفے دیکر سیٹیں خالی کر دے۔ اپوزیشن کی خالی سیٹیں جیت کر ملک کی بہتری کیلئے نئی ترامیم کریں گے۔ اپوزیشن کو کھانا بھی دیں گے اور مولانا فضل الرحمنٰ کو حلوہ بھی کھلائیں گے۔ پی ڈی ایم میں شامل جماعتیں چوں چوں کا مربہ ہیں۔