لاہور(نمائندہ خصوصی) لاہورمیں متعددوار داتوں میںشہری لاکھوں روپے مالیت کی نقدی زیورات اور دیگر قیمتی اشیا سے محروم ہوگئے۔ تفصیلات کے مطابق مناواں کے علاقے میںڈاکو صابر کے گھر سے 3لاکھ 70ہزارروپے مالیت کی نقدی زیورات اور دیگر قیمتی اشیا لوٹ کر فرار ہو گئے، لیاقت آباد میں ڈاکو چوہدری غلام حسین کے گھر گھس کر 2لاکھ35 ہز ار کی نقد ی اور طلائی زیو رات لوٹ کر لے گئے ،گجر پورہ کے علاقے میں ڈاکو ارحم کے گھر گھس کر اسلحہ کے زور پر ایک لاکھ 80 ہزار کی نقدی اور طلائی زیورات ، گڑھی شاہو کے علاقے میں فراز سے دو ڈاکو 85 ہزار اور لوہر مال میں ڈاکووں نے فیضان سے65 ہزار کی نقدی ،شاہدرہ ٹاون میں ڈاکوؤں نے حمزہ سے 34 ہزار ،رنگ محل میں ڈاکووں نے عارف سے18ہزار روپے مالیت کی نقدی ،اچھرہ میں ڈاکووں نے ناصر سے 25 ہزار روپے مالیت کی نقدی و موبائل چھین لیں جبکہ مانگا منڈی اور سرور روڈ سے گاڑیاں جبکہ گرین ٹاؤن،بھاٹی گیٹ اور سمن آباد سے موٹر سائیکلیں چوری کر لی گئیں۔