اسلام آباد+لندن (وقائع نگار خصوصی+نوائے وقت رپورٹ) سابق وزیراعظم اور مسلم لیگ ن کے سینئر نائب صدر شاہد خاقان عباسی نے لندن میں قائد نوازشریف سے ملاقات کی۔ فیملی ذرائع کے مطابق شاہد خاقان عباسی نے ملاقات میں شہبازشریف کا پیغام پہنچایا اور نوازشریف سے ان کی والدہ بیگم شمیم اختر کے انتقال پر تعزیت کی شاہد خاقان عباسی امریکہ سے لندن پہنچے تھے وہ قائد مسلم لیگ ن نوازشریف سے ایک اور ملاقات کریں گے۔جس میں سینٹ، ضمنی انتخابات، سیاسی صورتحال اور پی ڈی ایم کے معاملات پر گفتگو ہو گی۔