لاہور (سپورٹس رپورٹر+نمائندہ سپورٹس )پاکستان کرکٹ بورڈ کی درخواست پر سول ایوی ایشن اتھارٹی نے جنوبی افریقہ کی کرکٹ ٹیم اور ٹیم مینجمنٹ کی خصوصی پرواز کو پاکستان آنے کی اجازت دیدی۔جنوبی افریقہ کی کرکٹ ٹیم کے27 کرکٹر اور 11 ٹیم مینجمنٹ آفیشلز برطانیہ سے ایمریٹس ائیرلائنز کی پرواز ای کے600 سے16جنوری کو پاکستان پہنچیں گے۔سول ایوی ایشن اتھارٹی کے ڈائریکٹر ائیرٹرانسپورٹ نے پرواز کا اجازت نامہ جاری کردیا ہے۔سی اے اے کے اجازت نامے میں یہ بھی ہدایت کی گئی ہیں کہ جنوبی افریقی ٹیم کو کرونا ٹیسٹ اور قرنطینہ سمیت محکمہ صحت کی ایس او پیز پر عمل درآمد کرنا ہوگا۔ جنوبی افریقہ کے دیگر دو آفیشلز کو بھی الگ پرواز کی اجازت دی گئی ہے، دونوں آفیشلز دبئی سے کراچی ایمریٹس ائیر کی پرواز ای کے604 سے پہنچیں گے۔