لاہور ( کلچرل رپورٹر ) سابق سٹیج منیجر الحمرا حاجی عبدالرزاق کو سینکڑوں سوگواروں کی موجودگی میں سپردِ خاک کردیا گیا۔نماز جنازہ میں قریبی رشتہ داروں ‘شوبز شخصیات نے بھی شرکت کی۔ اداکار سہیل احمد،خالد معین بٹ،قیصر جاوید،پرویز رضا،ذوالفقار زلفی،شہزاد ،عمران احمد،سخی سرور بٹ،صابر گاگا اور دیگر شامل تھے۔ترجمان لاہور آرٹس کونسل نے انتقال پر گہر ے دکھ کا اظہار کرتے ہوئے کہا ہے کہ الحمراء ان کی یاد میں تعزیتی اجلاس منعقد کریگا۔کلچرل جرنلسٹس فاؤنڈیشن آف پاکستان نے بھی  انتقال پر گہرے دکھ اور افسوس کا اظہار کیا ہے۔