لاہور(نامہ نگار)ٹریفک پولیس میں ٹریفک اسسٹنٹ اور لیڈی ٹریفک اسسٹنٹ کی بھرتی کے لیے انٹرویو کا شیڈول جاری کردیا گیاہے۔ ایس ایس پی ایڈمن لاہور عثمان باجوہ کا کہنا تھا کہ انٹرویو کا انعقاد ڈسٹرکٹ پولیس لائنز قلعہ گجر سنگھ میں ہو گا۔انٹرویوز کا مرحلہ 8 جنوری سے 9 جنوری تک جاری رہے گا۔ لیڈی ٹریفک اسسٹنٹ کی آسامی کیلئے خواتین امیدواران کا انٹرویو 9 جنوری کو لیا جائے گا۔ ان کا کہنا تھا  کہ تحریری امتحان میں 44 نمبر حاصل کرنے والے امیدواران کو انٹرویو کے لیے اہل قرار دیا گیا ہے۔ بھرتی کے تمام مراحل میں شفافیت اور میرٹ کو یقینی بنایا جا رہا ہے۔ بھرتی کے تمام مراحل میں کورونا ایا او پیز کو بھی ملحوظ خاطر رکھا جارہا ہے۔