سرگودھا (نامہ نگار) یونیور سٹی آف سرگودھا کے سالانہ امتحان میں سرگودھا پولیس کے ملازم کی بیٹی نے پہلی پوزیشن کا اعزاز حاصل کر لیا۔ ذرائع کے مطابق سرگودھا پولیس کیٓ ملازم پرویز اشرف کی بیٹی ثناء رحمان یونیورسٹی آف سرگودھا کی طالبہ ہے جس نے بی اے /بی ایس سی کے سالانہ امتحان 2020ء میں رول نمبر 755سے حصہ لیا اور امتحان میں 664نمبر حاصل کر کے پہلی پوزیشن حاصل کر لی۔ اس موقع پر طالبہ کے والد کا کہنا تھا بیٹی کی یہ کامیابی اللہ تعالی کی رحمت اور اس کی اپنی محنت کی بدولت ہے۔