شاداب خان پی ایس ایل 6 کیلئے دستیاب‘بابر اعظم کل رپورٹ کرینگے
لاہور (نمائندہ سپورٹس )دورہ نیوزی لینڈ کے دوران قومی کرکٹرز فٹنس مسائل سے دوچار رہے، وطن واپس پہنچنے کے بعد قومی کرکٹرز نیشنل ہائی پرفارمنس سینٹر میں رپورٹ کریں گے۔ذرائع کا کہنا ہے کہ شاداب خان پی ایس ایل 6 کیلئے دستیاب ہوں گے۔ بابر اعظم کل نیشنل ہائی پرفارمنس سینٹر میں رپورٹ کریں گے، بیٹنگ کوچ محمد یوسف طبی معائنے کے بعد بابر اعظم کیساتھ سیشن کرسکیں گے۔ شاداب خان کا منگل کو ہائی پرفارمنس سینٹر میں فٹنس کا معائنہ ہوگا اور ری ہیب کا عمل مکمل ہوگا۔
