لاہور(کلچرل رپورٹر) لییجنڈری اداکار سلطان راہی کی 25ویں برسی منائی گئی۔ انہوں نے41برس تک فلم انڈسٹری پرراج کیا۔ اپنے فنی کیرئر میں سلطان راہی نے800سے زائد فلموں میں منفرد اداکاری کے جوہر دکھائے۔انہوں نے 700پنجابی اور ایک سودس اردو فلموں میں فن کالوہامنوایا۔سلطان راہی پہلی بارفلم بشیرا میں بطور ایکسٹرا جلوہ گرہوئے۔اس کے بعد انہوں نے پیچھے مڑکرنہ دیکھا اورایکسٹراسے ملکی فلمی صنعت کے سلطان بن گئے۔ان کی فلم’’ مولا جٹ‘‘ ملک کی مشہورترین فلم ہے۔سلطان راہی کی دیگرکامیاب فلموں میں ’بابل‘ ’بشیرا‘ وحشی جٹ شامل ہیں۔ سلطان راہی کی برسی کے حوالے سے ان کی رہائش گاہ پر قرآن خوانی کا اہتمام کیا گیا۔