قصور (نمائندہ نوائے وقت)قصور اور گردونواح میں اغواء کی مختلف وارداتوں میں ایک لڑکے سمیت پانچ لڑکیاں اغواء ہو گئیں۔ متا کے رہائشی شبیر حسین نے تھانہ راجہ جنگ میں مقدمہ درج کرایا کہ میر ابیٹا علی شیر سودا سلف لینے گیا تاحال واپس نہیں پہنچا کسی نامعلوم نے میرے بیٹے کو اغواء کرلیا ہے اسی طرح حبیب ٹائون پتوکی کے رہائشی قاسم علی کی بیٹی رمشہ بی بی کو اقراء جاوید اور اسکے بھائی آفتاب جاوید نے ملکر رمشہ بی بی کو اغواء کر لیا۔ انصاف سٹی پتوکی کی رہائشی نسیم بی بی کی بیٹی شانزہ بی بی سودا سلف لینے کے لیے گئی ملزم احمد نے ساتھیوں کیساتھ ملکر اسکی بیٹی کو اغواء کرلیا ۔ محمود پورہ قصور کا رہائشی شہزاد احمد جس کے گھر ملزم عبداللہ آیا اور اس کی بیٹی رخسار بی بی کواغواء کرکے لے گیا۔ پھولنگر محلہ پٹواریاں والا کے شوکت علی کی بیٹی عیشہ بی بی گھر میں اکیلی تھی نامعلوم افراد نے اغواء کر لیا۔ پولیس نے مقدمات درج کرلئے۔