لاہور (سپورٹس ڈیسک) بنگلہ دیش میں موجود ویسٹ انڈیز کرکٹ ٹیم کے تمام کھلاڑیوں اور سٹاف کے کرونا ٹیسٹ منفی آگئے ہیں ۔ 38کھلاڑیوں اور کوچنگ سٹاف پر مشتمل سکواڈ بنگلہ دیش کیخلاف سیریز کھیلنے کیلئے ڈھاکہ پہنچاتھا ۔ ہوٹل میں پہلا کرونا ٹیسٹ لیا گیا جو منفی آگیا ہے ۔ تین دن قرنطینہ مکمل کرنے پر اور دو کرونا ٹیسٹ منفی آنے پر مہمان سکواڈ کو ٹریننگ کی اجازت مل جائے گی ۔ سات روز میں تین کرونا ٹیسٹ منفی آنے پر مہمان سکواڈ دیگر افراد سے مل سکے گا۔