لاہور(سپورٹس رپورٹر+نمائندہ سپورٹس) پنجاب لان ٹینس ایسوس یایشن کے زیر اہتمام رافم پنجاب جونیئر ٹینس چیمپئن شپ 2021  باغ جناح لاہور میں شروع ہو گئی۔ پنجاب لان ٹینس ایسوسی ایشن کے سیکرٹری رشید ملک (تمغہ امتیاز) نے رفم گروپ کے سی ای او زاہد حسین کا کھیلوں اور خاص طور پر ٹینس کیلئے ہر ممکن تعاون پر شکریہ ادا کیا۔ پہلے راونڈ میں انڈر 18 بوائز میںشعیل دراب نے حسن علی کو، بلال عاصم نے نعلین عباس کو، احتشام عارف نے زعیم غفور کو، غازی احمد نے حسنین علی کو، فیضان فیاض نے حسنین علی رضوان کو اور حمزہ جواد نے حارث کو شکست دی۔ بوائز انڈر 16 میں ، معاویہ بٹ نے ہنزلہ انور کو، ہارون ارشد نے ایم ابراہیم اشرف کو اور شکیل دراب نے زعیم غفور کو ہرایا۔