لاہور(سپورٹس رپورٹر) پاکستان ہاکی ٹیم کے سابق کپتان و گول کیپر اولمپین احمد عالم کی والدہ انتقال کر گئیں۔ کراچی کے مقامی قبرستان میں سپردخاک کر دیا گیا۔ پاکستان ہاکی فیڈریشن کے صدر بریگیڈئر (ر) خالد سجاد کھوکھر، سیکرٹری پی ایچ ایف اولمپیئن آصف باجوہ سمیت چیئرمین سلیکشن کمیٹی اولمپیئن منظورحسین جونیئر، ممبران اولمپیئن کلیم اللہ، اولمپیئن خالد حمید، اولمپیئن ایاز محمود، اولمپیئن خالد حمید، اولمپیئن ناصر علی، اولمپیئن وسیم فیروز، سابق صدر پی ایچ ایف قاسم ضیاء، ہیڈ کوچ اولمپیئن خواجہ جنید، اولمپیئن دانش کلیم کی جانب سے قومی ہاکی ٹیم کے سابق کپتان و گول کیپر اولمپیئن احمد عالم کی والدہ کے انتقال پر اظہار افسوس کرتے ہوئے انکے لواحقین سے اظہار تعزیت کی ہے اور مرحومہ کے بلند درجات کیلئے دعا کی۔ اﷲ تعالٰی مرحومہ کو جنت الفردوس میں اعلی مقام عطا کرئے اور لواحقین کو یہ صدمہ برداشت کرنے کی توفیق عطا کرے آمین۔