لاہور (نمائندہ خصوصی) لاہورمیں متعدد وارداتوں میں شہری لاکھوں روپے مالیت کی نقدی،زیورات اور قیمتی اشیاء سے محروم کر دیئے گئے۔ ذرائع کے مطابق چوہنگ میں ڈاکو مقصود اور فیملی سے6لاکھ 10ہزار روپے مالیت‘ برکی میں مسلح ڈاکو خاور کے گھر سے 6لاکھ روپے مالیت‘  وحدت کالونی میں موٹر سائیکل سوار ڈاکو محبوب اور فیملی سے 1لاکھ 25 ہزار مالیت‘ بادامی باغ کے علاقے میں علی اور فیملی سے 1لاکھ 30کی نقدی و زیورات اور دیگر سامان لوٹ کر فرار ہو گئے۔ شیراکوٹ سے موٹر سائیکل سوار ڈاکو گن پوائنٹ پر منیر سے 58 ہزار۔لوئر مال سے اشرف سے گن پوائنٹ پر 40ہزار نقدی موبائل فون اور لاری اڈا سے گن پوائنٹ پر وقاص سے 35 ہزار روپے اور موبائل فون لوٹ کر فرار ہوگئے جبکہ نامعلوم چور اقبال ٹاؤن اور سرور روڈ سے گاڑیاں جبکہ ملت پارک ،گرین ٹاون اور کاہنہ سے 3 موٹر سائیکلیں چوری کر کے فرار ہو گئے۔