گگو منڈی + سیالکوٹ +سمبڑیال (نامہ نگاران +نمائندہ نوائے وقت) گگو منڈی کے علاقے میں6اوباشوں کی محنت کش کی بیٹی سیکنڈ ایئر کی طالبہ سے اجتماعی زیادتی کی جبکہ ڈیرہ آرائیاں ماجرہ میں اوباش نے خنجر دکھا کر 14 سالہ لڑکے کو نشانہ بنایا گیا۔ چک نمر 255۔ای بی کا رہائشی محنت کش محمد ریاض گزشتہ رات اپنے اہلخانہ کے ہمراہ گھر میں سویا ہوا تھا کہ ساڑھے گیارہ بجے کے قریب ملزمان شعیب ڈوگر ،امجد عباس ڈوگر ،سلطان جمیل ،عبداللہ ،حمزہ جوئیہ ،عثمان آ رائیں ،اور سحر اعجاز مسلح ہو کر بسواری کار اور موٹر سائیکل آ ئے اور زبر دستی اس کے گھر میں داخل ہو کر ریاض کی 17سالہ بیٹی (ا ) کوگھسیٹے ہوئے کار میں ڈال کر لے گئے بد قسمت والد اہلیان دیہہ کے ہمراہ بیٹی کو تلاش کرتا ہوا ملزم حمزہ لیاقت کے ڈیرہ پر پہنچا تو ملزم حمزہ لیاقت مسماۃ ( ا )سے مبینہ زیادتی کر رہا تھا جبکہ ملزمان شعیب اور امجد عباس بھی برہنہ حالت میں وہیں موجود تھے۔ اہلیان دیہہ کو آ تا دیکھ کر ملزمان موقع سے فرار ہو گئے متاثرہ لڑکی کے مطابق مندرجہ بالا تمام ملزمان نے اسے باری باری جنسی درندگی کا نشانہ بنایا پولیس نے مقدمہ درج کر کے کارروائی شروع کر دی ہے۔ ادھر تھانہ ایئرپورٹ کے ڈیرہ آرائیاں ماجرہ کے رہائشی کا 14سالہ بیٹا (ن) ڈیرہ پرجانوروں کی دیکھ بھال کر رہا تھا کہ اوباش اویس خنجر سے مسلح ہوکر آیا اور (ن) کی گردن پر خنجر رکھ کر بدفعلی کی۔ شور کی آوازیں سن کر لوگ جمع ہوگئے ملزم موقع سے فرار ہوگیا۔ پولیس نے مقدمہ درج کرلیا۔