لاہور (نمائندہ خصوصی) لاہورمیں متعدد وارداتوں میں شہری لاکھوں روپے مالیت کی نقدی زیورات اور دیگر قیمتی اشیا سے محروم کردیاگیا۔ تفصیلات کے مطابق گھروں میں متعدد ڈکیتی کی وارداتوں میں کو ٹ لکھپت کے علا قہ میں 3 لاکھ 40 ہزار، سمن آباد کے علا قہ میں 3 لاکھ 20 ہزار، ڈیفنس اے کے علاقے میں 2 لاکھ 70 ہزار، گارڈن ٹاؤن کے علاقہ میں 2 لاکھ 45 ہزار، با دامی با غ کے علا قہ میں ایک لاکھ 20ہزارکی نقدی اور طلائی زیورات، موبا ئل فون لوٹ کر فرار ہوگئے۔ راہزنی کی وارداتوں میںلاری اڈہ کے علا قہ میں 80 ہزار، نشتر کالونی کے علاقہ میں 30 ہزار اور موبائل فونز چھین لئے گئے۔ ڈیفنس سی اور گرین ٹاؤن میں گاڑیاں اور نواب ٹاؤن، ریس کورس اور شیرا کوٹ میں موٹرسائیکلیں چوری کرلیں گئیں۔