لاہور(نمائندہ سپورٹس )جنوبی افریقہ کے شہر ڈربن میں پاکستان ویمن کرکٹرز اور آفیشلز کی دوسری کرونا ٹیسٹنگ بھی منفی آگئی۔ دوسری کرونا ٹیسٹنگ منفی آنے کے بعد سکواڈ میں شامل تمام ارکان کو اکٹھے ٹریننگ کی اجازت دیدی گئی ہے۔واضح رہے کہ قومی ٹیم جنوبی افریقہ میں 3 ون ڈے میچز اور 3 ٹی ٹونٹی میچز کی سیریز کھیلے گی۔دونوں ٹیموں کے درمیان ون ڈے سیریز کا پہلا میچ 20 جنوری، دوسرا 23 جنوری اور تیسرا ایک روزہ میچ 26 جنوری کو کھیلا جائیگا۔ ٹی ٹونٹی سیریز کا آغاز 29 جنوری سے ہوگا۔ دوسرا میچ 31 اور آخری میچ 3 فروری کو کھیلا جائیگا۔