میرپور ماتھیلو ( نامہ نگار) میرپور ماتھیلو کے شہباز رینجرز ہیڈکوارٹر میں کچرے میں دھماکہ، پانچ رینجرز اہلکار زخمی، تفصیلات کے میرپور ماتھیلو میں شہباز رینجرز ہیڈکوارٹر میں کچرے میں آگ لگنے کی وجہ سے ایک زور دار دھماکہ ہوا۔ جس کے نتیجے میں پانچ رینجرز اہلکار لیاقت علی، وقاص احمد، رحیم، ذوالفقار اور بابر زخمی ہوگئے۔ پولیس ذرائع کے مطابق دھماکہ گاڑیوں کے قریب ہوا جہاں گاڑیوں کے موبل آئل کے پرانے ڈبوں میں آگ لگنے کی وجہ سے دھماکہ ہوا اور اس کے متعلق مزید تفتیش کی جارہی ہے۔ جبکہ زخمیوں کو ابتدائی طبی امداد فراہم کرنے کے بعد رحیم یار خان بہتر علاج کے لئے منتقل کر دیا گیا ہے۔