ٹوبہ ٹیک سنگھ + گوجرہ + کوہاٹ (نامہ نگاران + نوائے وقت رپورٹ) نیند آنے کے باعث کار آگے جانیوالے ٹریلر سے ٹکرانے کے باعث کار میں سوار خاتون ‘2 کمسن بیٹیوں اور بیٹے سمیت جاں بحق‘ خاوند اور ایک بیٹا شدید زخمی بتایا جاتا ہے کہ 39 سالہ زبیر اپنی فیملی 2 بیٹوں‘ 2 بیٹیوں اور بیوی کے ہمراہ ٹوبہ گوجرہ موٹر وے پر اسلام آباد سے اپنے گھر خیرپور جا رہے تھے کہ نیند آنے پر آگے جانے والے ٹریلر سے ٹکرا گئے جسکے نتیجہ میں 35 سالہ صائمہ اپنی 2 کمسن بیٹیوں 3 سالہ حفصہ 13 سالہ متیسر اور 9 سالہ حظیفہ سمیت موقع پر دم توڑ گئے جبکہ 39 سالہ زبیر اور 7 سالہ حمزہ شدید زخمی ہو گئے جنہیں ریسکیو اہلکاروں نے ڈسٹرکٹ ہیڈ کوارٹر ہسپتال ٹوبہ پہنچا دیا گیا۔ دوسری جانب صوبہ خیبر پی کے کے ضلع کوہاٹ میں رکشے اور ٹرک میں تصادم کے نتیجے میں 3 بہنیں جاں بحق ہو گئیں۔ پولیس کے مطابق حادثہ کوہاٹ میں پشاور بائی پاس روڈ پر پیش آیا۔