لاہور (سپورٹس ڈیسک) آسٹریلین اوپن میںشرکت کیلئے آنے والے مزید 2غیرملکی کھلاڑیوں کا کرونا ٹیسٹ مثبت آگیا ہے ۔ میلبورن میں محکمہ صحت کے حکام کے مطابق متاثرہ کھلاڑیوں کو قرنطینہ کر دیا گیا ہے ۔متاثرہ کھلاڑیوں کی تعداد سات ہو گئی ہے ۔ وکٹورین چیف ہیلتھ آفیسر بریٹ سٹن نے کہا کہ دو کھلاڑیوں اور نان پلیئنگ خاتون کو ہوٹل میں قرنطینہ کر دیا گیا ہے ۔ رپورٹ کے مطابق قرنطینہ کے کیسز بڑھنے پر آسٹریلین اوپن ٹینس ٹورنامنٹ کے انعقاد پر سوالیہ نشان لگ گیا ہے ۔ کچھ کھلاڑیوں نے ہوٹل تک محدو د رہنے پر تحفظات کا اظہار کیا ہے ۔