لاہور(سپورٹس ڈیسک )جنوبی افریقہ نے پاکستان کیخلاف ٹونٹی سیریز کیلئے ٹیم کا اعلان کردیا ہے، ہینرک کلاسن کو کپتان مقرر کیا گیا ہے، تین ٹی ٹونٹی میچز پر مشتمل سیریز 11فروری سے لاہور میں ہوگی۔
اوکلے سیلے، ریان رکلیٹن اور جیکس سنائیمین پہلی بار جنوبی افریقی سکواڈ میں شامل کیے گئے ہیں۔ڈیوائن پریٹوریئس، تبریز شمسی، لوتھو سپمالا اور جیور لینڈے بھی سکواڈ میں شامل ہیں جبکہ ریزا ہینڈرکس، فیلو کوائیو، جون سمٹس ، نیندری برگر، جونیئر ڈالا، بورن فورچیون، جانیمن ملان، ڈیوڈ ملر اور وین بلیون کو بھی ٹی ٹونٹی سیریز کیلئے منتخب کرلیا گیا ہے۔کوئنٹن ڈی کوک، لنگی این گڈی ، ٹیمبا باواما، وین ڈر ڈسن، اینرک نوٹیئے ٹی ٹونٹی سیریز میں حصہ نہیں لیں گے۔