راولپنڈی (اپنے سٹاف رپورٹر سے) وزیر جیل خانہ جات پنجاب فیاض الحسن چوہان نے بیگم صفدر اعوان کی جانب سے پی ٹی آئی پر بی جے پی کے رہنما اندرجیت دوسانجھ سے فنڈنگ لینے کے الزام پر اپنے ردعمل میں کہا ہے کہ بیگم صفدر اعوان اپنے بے سر و پا بیانات کے باعث رسوائی اور جگ ہنسائی کا سبب بن چکی ہیں۔ انہوں نے کہا کہ پی ٹی آئی اور بی جے پی پر ساز باز کا الزام لگانے والی بیگم صفدر اعوان کی اپنی بیٹی کی شادی پر بی جے پی سے بھارتی وزیراعظم نریندر مودی بغیر ویزا پاکستان آئے۔ نریندر مودی اور نواز شریف سفارتی آداب کو بالائے طاق رکھتے ہوئے ہاتھوں میں ہاتھ ڈال کر گھومتے رہے۔ فارن فنڈنگ کیس ن لیگ کے گلے کی ہڈی بن چکا ہے۔