قصور (نمائندہ نوائے وقت) قصور کے نواحی علاقے نتھے والا میں بوسیدہ مکان کی چھت گرنے سے تین افراد جاں بحق ایک زخمی ہو گیا۔ تفصیلات کے مطابق  نواحی علاقے نتھے والا میں بوسیدہ مکان کی چھت گرنے سے تین افراد جاں بحق ہو گئے جن میں چالیس سالہ منصف‘ ساٹھ سالہ مبشر اور تین سالہ عمیر شامل ہے۔ مرنے والے تینوں افراد اس مکان میں بیٹھ کر حقہ پی رہے تھے کہ اچانک چھت ان کے اوپر  آ گری جس کے باعث تینوں موقع پر ہی چل بسے۔ دیہاتیوں نے اپنی مدد آپ کے تحت مرنے والوں کو ملبے سے نکالا جبکہ اسی اثنا میں ریسکیو ٹیمیں بھی پہنچ گئیں۔ جبکہ اکتیس سالہ طارق زخمی ہے۔ ریسکیو ٹیموں نے اطلاع ملتے ہی موقع پر پہنچ کر ریسکیو آپریشن شروع کیا۔ زخمیوں اور لاشوں کو ملبے سے نکال کر ہسپتال منتقل کر دیا گیا۔