لاہور: ٹریفک وارڈن نے گمشدہ بیگ سے ملنے والے ایک لاکھ 75 ہزار روپے مالک کو واپس کر دئیے
لاہور (نامہ نگار) ٹریفک وارڈن نے گمشدہ ملنے والا ایک لاکھ 75 ہزار روپے سے بھرا بیگ مالک کو واپس کر دیاہے۔ تفصیلات کے مطابق ٹریفک وارڈن عابد سکھیرا کو دوران پیڑولنگ گلاب دیوی ہسپتال کے قریب ایک لاوارث بیگ ملا۔ وارڈن نے بیگ میں موجود ایک لاکھ 75 ہزار روپے اور ضروری کاغذات اصل مالک کو ٹریس کرکے واپس کردئیے ہیں۔ سی ٹی او سید حماد عابد نے ایمانداری پر وارڈن عابد سکھیرا کو شاباش دیتے ہوئے کہاکہ وارڈنز ٹریفک کی روانی کے ساتھ ساتھ شہریوں کے جان و مال کے تحفظ کو بھی یقینی بنائے ہوئے ہیں۔
