واشنگٹن (این این آئی‘ آئی این پی) امریکی صدر جوبائیڈن نے وائٹ ہائوس کے ملازمین کو واضح طور پر کہا ہے کہ اگر کسی نے اونچی آواز میں بات کی یا پھر بدتمیزی کی تو موقع پر ہی ملازمت سے برطرف کردوں گا۔ غیرملکی خبررساں ادارے کے مطابق انہوں نے کہا آپ کو اپنے ساتھیوں کے ساتھ عزت سے پیش آنا ہے اور ان سے نرم لہجے میں گفتگو کرنا ہے۔  دریں اثناء امریکی صدر جوبائیڈن نے کوویڈ ایکشن پلان کا اعلان کر دیا۔ امریکا آنے والے مسافروں کو قرنطینہ کرنا ہوگا، جوبائیڈن نے کرونا سے اموات کی تعداد 5 لاکھ سے بڑھنے کا خدشہ بھی ظاہر کردیا۔ صدر بائیڈن نے کہا کہ امریکا آنے والوں کو 14روز قرنطینہ میں گزارنا ہوں گے۔ امریکا سے دوسرے ممالک جانے والوں کو بھی کرونا کی نیگٹو رپورٹ دینا ہوگی۔ ویکسی نیشن کا دائرہ کار بڑھا دیا گیا ہے، مزید لوگوں کے ٹیسٹ بھی کئے جائیں گے۔ نئی حکومت عملی سیاسی کی بجائے سائنسی ضروریات پر مبنی ہے۔ اس منصوبے کے مطابق ویکسی نیشن بڑھائی جائے گی۔