فیصل آباد/جڑانوالہ/کھرڑیانوالہ(نمائندہ نوائے وقت+نامہ نگار )تھانہ کھرڑیانوالہ کے علاقہ میں مسیحی میاں بیوی کو نامعلوم افراد نے پھندا ڈال کر قتل کر دیا پولیس رپورٹ کے مطابق کھرڑیانوالہ کے چک نمبر77ر۔ب لوہکے آضافی آبادی کے رہائشی 30سالہ کاشف مسیح ، 28سالہ بیوی سعدیہ مسیح اپنے کمرے میں سوئے ہوئے تھے کہ رات گئے نامعلوم افراد کمرے میں داخل ہو گئے اور دونوں میاں بیوی کے گلے میں پھندا ڈال کر انہیں قتل کر دیا ،متوفی کاشف مسیح کی پہلی متوفیہ بیوی سے 3بیٹے اور 1بیٹی ہے ،سعدیہ مسیح اسکی دوسری بیوی تھی، پولیس کھرڑیانوالہ مقتول کاشف مسیح کے والد انور مسیح کی مدعیت میں نامعلوم افراد کے خلاف قتل کا مقدمہ درج کر کے تفتیش شروع کر دی تاہم کوئی ملزم گرفتار نہ ہو سکا ،مقتولین کی نعشوں کو پوسٹمارٹم کے بعد ورثاء کے حوالہ کر دیاہے۔