لاہور(سپورٹس رپورٹر)پاکستان اور جنوبی افریقہ کے درمیان ٹیسٹ میچ کے پانچوں دنوں نیشنل سٹیڈیم کی طرف جانیوالی بیشتر مرکزی شاہراہیں چھوٹی گاڑیوں کیلئے کھلی رکھنے کا اعلان کیا گیا ہے۔ڈپٹی انسپکٹر جنرل ٹریفک پولیس اقبال دارا کے مطابق گزشتہ روز ٹیسٹ میچ کے پانچ دنوں میں نیشنل سٹیڈیم کی طرف جانے والی تمام سڑکیں بند رکھنے کا اعلان کیا گیا تھا مگر عوامی مشکلات کو مدنظر رکھتے ہوئے میچ کے پانچوں ایام کے دوران بیشتر شاہراہیں کھلی رکھنے کا فیصلہ کیا گیا ہے۔ عوام کی پریشانی کو مدنظر رکھتے ہوئے ترمیم شدہ ٹریفک پلان جاری کر دیا ہے۔پولیس کے مطابق 26 جنوری سے 30 جنوری تک نیشنل سٹیڈیم کراچی کی طرف جانیوالی تمام مرکزی شاہراہوں پر ٹریفک کے خصوصی انتظامات کیے گئے ہیں۔