لاہور(سپورٹس رپورٹر) سپورٹس بورڈ پنجاب کے زیراہتمام اور پاکستان ہاکی فیڈریشن کے تعاون سے پہلی قائداعظم انٹر ڈویژن ہاکی چیمپئن شپ 2021ء 25جنوری بروز پیر کو نیشنل ہاکی سٹیڈیم میں شروع ہورہی ہے، افتتاحی تقریب شام 6بجے منعقد ہوگی جس کے مہمان خصوصی صوبائی وزیر کھیل وامور نوجوانان رائے تیمور خان بھٹی ہوں گے، تقریب میںسیکرٹری یوتھ افیئرز اینڈ سپورٹس پنجاب فواد ہاشم ربانی، ڈائریکٹر جنرل سپورٹس پنجاب عدنان ارشداولکھ، سابق اولمپیئن ،ٹاپ سپورٹس سٹارز اور ہاکی کے کھلاڑی شرکت کریں گے، چیمپئن شپ میں پنجاب کی 9ڈویژنز کی ٹیمیں حصہ لے رہی ہیں،افتتاحی تقریب میں کھلاڑی مارچ پاسٹ کریں گے کلچرل اورمیوزکل پرفارمنس کیساتھ ساتھ فائرورک کا بھی مظاہرہ کیا جائیگا، اختتامی تقریب 7فروری کو ہو گی ۔