لاہور(سپورٹس رپورٹر) پنجاب لان ٹینس ایسوسی ایشن کے زیر اہتمام منعقد ہونے والی ملت ٹریکٹرز جونیئر نیشنل ٹینس چیمیئن شپ 2021ء اختتام پذیر ہو گئی۔ آمنہ علی قیوم نے انڈر 18 گرلز جبکہ بوائز انڈر 14 میں اسد زمان نے کامیابی اپنے نام کی۔ انڈر 18 گرلز کے فائنل میں آمنہ علی قیوم نے نتالیہ زمان کو  6-4اور 6-4 سے مات دی۔ انہوں نے انڈر 14 کیٹگری کا ٹائٹل بھی اپنے نام کیا جس کے فائنل میں آمنہ نیلابیکا دراب کو ہرایا۔ بوائز انڈر 14 کے فائنل میں اسد زمان سیڈڈ کھلاڑی حسنین علی رضوان کو شکست دیکر اپ سیٹ کیا۔ بوائز انڈر 18 کے فائنل میں ، ہاشیش کمار نے فیضان فیاض کو،  بوائز انڈر 18 ڈبلز ٹائٹل فرمان شکیل اور نیلین عباس نے جیتا۔  بوائز / گرلز انڈر 12 ڈبلز ٹائٹل عامر مزاری اور ابوبکر طلحہ نے جیتا ۔