لاہور(نامہ نگار) بند روڈ پر جوتوں کے کارخانے میں آتشزدگی سے ایک شخص جھلس کر جاں بحق جبکہ لاکھوں روپے مالیت کا سامان جل کر تباہ ہو گیا ہے۔ بند روڑ پرگنجوں کی گھاٹی کے قریب جوتوں کے کارخانے میں اچانک آگ بھڑک اٹھی۔ جس کے نتیجے میں ایک شخص جھلس کر جاں بحق ہو گیا۔ ریسکیو ٹیم کا کہناتھا کہ آگ کے باعث فیکٹری میں دھواں بھر گیا۔ فیکٹری میں کولنگ کا عمل مکمل ہونے پر اندر جاکر دیکھا تو ایک شخص کی جھلسی ہوئی لاش ملی ہے۔ جس کی تاحال شناخت نہیں ہو سکی ہے۔ ابتدائی معلومات کے مطابق آگ شارٹ سرکٹ کے باعث لگی ہے۔