لاہور (سپورٹس رپورٹر+نمائندہ سپورٹس) پاکستان کپ کے فائنل فور کا فیصلہ ہوگیا، کراچی میں جاری پاکستان کپ میں سندھ، خیبرپی کے،  ناردرن اور سنٹرل پنجاب کی ٹیموں نے ایونٹ کے سیمی فائنل مرحلے میں رسائی حاصل کر لی ہے۔ ایونٹ کا پہلا سیمی فائنل 29 جنوری کو سندھ اور سنٹرل پنجاب کے مابین کھیلا جائیگا۔ دوسرے سیمی فائنل میں خیبرپختونخوا اورناردرن کی ٹیمیں مدمقابل آئیں گی۔ فائنل 31 جنوری کو اسی گراؤنڈ پر کھیلا جائے گا۔