دو پاکستانیوں نے ’’انسپائرنگ بزنس ٹرانسفارمیشن‘‘ گلوبل ایوارڈ جیت لئے
کراچی (نوائے وقت رپورٹ) ورلڈ سی آئی اوز 200سمٹ 2020 میں دو پاکستانیوں نے "انسپائرنگ بزنس ٹرانسفارمیشن" کے گلوبل ایوارڈز جیت لیے۔ ایونٹ کے اعلامیے کے مطابق سمٹ کے 2020 ایڈیشن کے لیے ایونٹ سے قبل کئی نامزدگیاں موصول ہوئیں جن کا جائزہ ایک عالمی جیوری نے لیا اور 200 صف اول کے سی آئی اوز کو شارٹ لسٹ کیا جنہیں ڈی ایکس ایوارڈز 2020 کے لیے نامزد کیا گیا۔ مجموعی طور پر 26 ممالک ورلڈ سی آئی او 200 سمٹ کا حصہ ہیں اور اس ایونٹ میں پاکستان نے دوسری مرتبہ حصہ لیا ہے۔ اعلامیے کے مطابق ڈی ایکس ایوارڈز 2020 جیتنے والے 20 سی آئی اوز میں دو پاکستانی ملر اینڈ فلپ پاکستان کے جنرل منیجر انفارمیشن ٹیکنالوجی افتخار عارف اورآغا خان یونیورسٹیز اینڈ ہسپتال کے چیف انفارمیشن آفیسر رسل وائدرز شامل ہیں۔
