مظفرگڑھ(نامہ نگار) روٹھی بیوی کو منانے میں ناکامی پر شوہر نے اپنے سسرال ہی میں خود پر پٹرول چھڑک کر آگ لگادی،تفصیلات کیمطابق محمد آصف نامی شخص کی بیوی اس سے ناراض ہوکر چوک گودر میں اپنے میکے چلی گئی،محمد آصف اپنی بیوی کو منانے سسرال گیا تو بیوی نہ مانی،بیوی کو منانے میں ناکامی پر محمد آصف نے سسر کے گھر میں ہی خود پر پٹرول چھڑک کر آگ لگالی،محمد آصف کو تشویشناک حالت میں ڈی ایچ کیو ہسپتال مظفرگڑھ منتقل کردیا گیا،ڈاکٹروں کیمطابق محمد آصف کے جسم کا 70 فیصد حصہ متاثر ہوا ہے، تھانہ چوک قریشی پولیس نے قانونی کاروائی شروع کردی ہے۔