نوجوان پر تشدد‘ اسلحہ کی نمائش‘ شورکوٹ اور گجرات سے ٹک ٹاکرز گرفتار
گجرات‘ شورکوٹ (نامہ نگاران) ڈی پی او جھنگ سرفراز خان ورک کی ہدایات پر ٹک ٹاک بنانے کے شوق سے نوجوان پر تشدد اور اسلحہ کی نمائش کرنے والوں کے خلاف مقدمہ درج کر لیا گیا۔ تفصیلات کے مطابق ٹک ٹاک بنانے کے شوق میں نوجوان پر تشدد کی ویڈیو منظر عام پرآنے کے بعد ڈی پی او جھنگ نے نوٹس لیتے ہوئے پولیسکو کارروائی کی ہدایت دی۔ پولیس تھانہ کنجاہ نے سوشل میڈیا پر اسلحہ کی نمائش کرنے والا ٹک ٹاکر سمیع اﷲ کو اسلحہ سمیت گرفتار کر لیا۔ تفصیلات کے مطابق ڈی پی او عمر سلامت کی ہدایت پرگجرات پولیس کی ضلع بھر میں اسلحہ برداروں کیخلاف کارروائیاں جاری ہیں۔ اس سلسلہ میں ایس ایچ او تھانہ کنجاہ SI فرقان شہزاد نے پولیس ٹیم کے ہمراہ کارروائی کرکے ملزم سمیع اﷲ ولد افتخار احمد سکنہ محمود چمنہ کو گرفتار کیا۔
