سیالکوٹ+ ڈسکہ (نامہ نگاران/ نمائندہ خصوصی) تیز رفتار کار کا ٹائر پھٹنے سے باپ اور بیٹا جاں بحق جبکہ پانچ افراد شدید زخمی ہوگئے۔ کوٹلی باوا کا عمران اپنی بیوی اور بچوں کے ہمراہ سیالکوٹ موٹروے سے لاہور جارہا تھا‘ لوڑھکی کے قریب کارکا ٹائر پھٹ گیا جس سے کار میں سوار عمران، اس کی بیوی پروین اور بچے اسفار‘ عطاء زائرہ ‘خیر النساء ‘رومان ‘صفدر شدید زخمی ہوگئے جن کو طبی امدادکیلئے سول ہسپتال لایا گیا جہاں پر عمران اور اس کا بیٹا رومان زخموں کی تاب نہ لاتے ہوئے دم توڑ گئے۔