لاہور +اسلام آباد(کلچرل رپورٹر+نامہ نگار) اداکار شان شاہد کی والدہ، ماضی کی مشہور اداکارہ نیلو بیگم کو  سپردِ خاک ، نیلوبیگم کی نمازِ جنازہ میں شوبز انڈسٹری سے وابستہ مشہور شخصیات اور شہریوں کی کثیر تعداد نے شرکت کی ۔ فلم ڈائریکٹر حسن عسکری، ہدایت کارسید نور،اداکار غلام محی الدین، گلوکاروارث بیگ، اداکارہ ریشم، اداکارہ نغمہ بیگم، معمر رانا، سید نور، شفقت چیمہ، راشد محمود، جان ریمبو، سہیل بٹ، شیبابٹ اور اوریا مقبول جان سمیت  شوبز انڈسٹری کی متعدد شخصیات تعزیت کیلئے گلبرگ میں ان کی رہائشگاہ پرپہنچیں، شرکا کا کہنا تھاکہ نیلو بیگم شوبز انڈسٹری کاروشن ستارہ تھیں۔ صوبائی وزیر کلچر خیال احمد کاسترو نے اداکارہ نیلوبیگم کے انتقال پر تعزیت کا اظہار کیاہے۔ ا وزیراعظم  عمراان خان نے اداکار شان سے ان کی والدہ نیلو بیگم کے انتقال پر دکھ ا ور افسوس کااظہار تعزیت کیا اور لواحقین سے صبرجمیل کی دعا کی، وزیراعظم نے مزید کہا کہ میری تمام تر ہمدردیاں اور دعائیں شان شاہد کے ساتھ ہیں۔