منڈی بہائو الدین (نامہ نگار)مقامی محلہ گوڑھا کے ہاکی پلیئر خبیب احمد کو بہترین کارکردگی پر پہلی قائداعظم انٹر ڈویژن انڈر 23 ہاکی چیمپئن شپ ٹرافی کھیلنے کیلئے گوجرانوالہ ڈویژن ٹیم میں شامل کر لیا گیا ہے،خبیب احمد جو کہ پنجاب جونیئر ہاکی ٹیم کے کپتان ہیں انہیںڈویژنل سطح پر نمائندگی حاصل کرنے پر شہر کی سیاسی اور سماجی شخصیات نے مبارکباد دی ہے۔ مبارکباد دینے والوں میں سابق ایم پی اے وسیم افضل چن، مشاہد رضا، اسسٹنٹ ٹو ڈی آئی او عاطف منیر،ڈاکٹر ارشاد احمد‘ حامد ممتاز رانجھا،رانا عمران، منشاء گوندل، میاں حسین احمد، میاں کلیم اللہ اور میاں سمیع اللہ شامل ہیں۔