راولپنڈی (اپنے سٹاف رپورٹر سے) وزیر جیل خانہ جات پنجاب فیاض الحسن چوہان نے پی ڈی ایم کی بہاولپور ریلی پر اپنے ردعمل میں کہا ہے کہ پی ڈی ایم کی جلسیوں اور ریلیوں کی اصلیت اور حیثیت گونگلوئوں سے مٹی جھاڑنے سے زیادہ کچھ نہیں ہے۔ فیاض الحسن چوہان نے کہا کہ آصف علی زرداری اور شہباز شریف نے پی ڈی ایم کا ٹائر پنکچر کر دیا ہے اور یہ ٹائر اب شارٹ، میڈیم اور لانگ سمیت کسی مارچ کے قابل نہیں رہا۔ اب پی ڈی ایم قیادت کو چاہیئے کہ وہ وزیراعظم عمران خان کی ملکی ترقی کی کلاسز میں داخلہ لے لیں۔