لاہور (نمائندہ سپورٹس)جنوبی افریقہ کے سفیر میتھیو موزلے ماڈیکزا نے کہاہے کہ جنوبی افریقہ کی کرکٹ ٹیم کے دورہ پاکستان سے دونوں ممالک کے مابین رابطے بحال ہوں گے۔ جنوبی افریقہ کی کرکٹ ٹیم کی پاکستان آمد میں وزیراعظم عمران خان اور بورڈ کے سربراہ کی کاوشیں شامل ہیں۔ میںسفارتی ذمہ داریوں کیساتھ پاکستان کی کرکٹ ٹیم کی حوصلہ افزائی کیلئے راولپنڈی کرکٹ گراونڈ آیا ہوں۔ عمران خان سمیت کئی کھلاڑی پسندیدہ ہیں، بطور سفیر پاکستانی قوم کو قریب سے دیکھنے کا موقع ملا۔پاکستان کرکٹ بورڈ کے ڈائریکٹر انٹرنیشنل کرکٹ ذاکر خان نے کہا کہ بنگلہ دیش ، زمبابوے، سری لنکا اور اب جنوبی افریقہ کی  ٹیم کا دورہ پاکستان کرکٹ کیلئے نیک شگون ہے۔