اسلام آباد (وقائع نگار خصوصی+ نوائے وقت رپورٹ) پٹرول اور ایل این جی کے بعد سی این جی بم بھی گرا دیا گیا۔ حکومت کی جانب سے سی این جی کی قیمت بڑھا دی گئی۔ سی این جی 3 روپے 75 پیسے فی کلو مہنگی کر دی گئی۔ سی این جی کی نئی قیمت 85 روپے 55 پیسے فی کلو ہو گئی۔ سی این جی کی قیمت 81 روپے 80 پیسے فی کلو تھی۔ اوگرا نے ایل این جی کی نئی قیمتیں مقرر کر دیں۔ سوئی نادرن کے لئے ایل این جی کی نئی قیمت 9.61 ڈالر فی ایم ایم بی ٹی یو مقرر، سوئی سدرن کے لئے ایل این جی کی نئی قیمت 9.35 ڈالر فی ایم ایم بی ٹی یو مقرر کر دی۔ ایل این جی کی نئی قیمتوں کا اطلاق فروری کے لئے ہوگا۔ اوگرا نے ایل این جی کی نئی قیمتوں کا نوٹیفکیشن جاری کردیا۔