لاہور (پ ر) گورنمنٹ کالج برائے خواتین باغبانپورہ کالج میں شعبہ تاریخ کی انچارج اور نامور شاعرہ فہمیدہ کوثر کے زیراہتمام واک کا انتظام کیا۔ اس واک کا مقصد کشمیریوں کی آزادی کے لئے جدوجہد کو خراج تحسین پیش کرنا تھا۔ پرنسپل ڈاکٹر فرزانہ کشور نے اپنے خطاب میں کہا کہ وہ وقت دور نہیں کہ کشمیری مسلمان اپنے حوصلے اور عزم میں کامیاب ہوں گے اور ان کی کوشش بارآور ہوں گی۔ کالج میں تقریری مقابلوں کا بھی اہتمام ہوا اور اساتذہ کرام نے بھی مسئلہ کشمیر کی اہمیت کو کھل کر بیان کیا اور کشمیریوں کی جدوجہد کو ہاتھوں کی زنجیر بنا کر خراج تحسین پیش کیا۔