لاہور(نمائندہ سپورٹس) پاکستان کرکٹ بورڈ کی جانب سے پی ایس ایل 6 کا آفیشل گانا  ’آج دیکھے گا کراؤڈ میرا گروو ٹی وی پہ‘ ریلیز کردیا گیا ۔آفیشل گانا گلوکارہ نصیبو لعل، آئمہ بیگ اور ینگ سٹنرز نے گایا ہے۔  فدا معین نے ڈائریکٹ کیا جبکہ چھ معروف کرکٹرز بھی ترانے کی آفیشل ویڈیو میں جلوہ گر ہوئے ہیں۔ان کھلاڑیوں میں اسلام آباد یونائیٹڈ کے شاداب خان، ملتان سلطانز کے شان مسعود، لاہور قلندرز کے شاہین شاہ آفریدی، پشاور زلمی کے وہاب ریاض، کوئٹہ گلیڈی ایٹرز کے سرفراز احمد اور کراچی کنگز کے بابراعظم شامل ہیں۔ ریلیز ہوتے ہی سوشل میڈیا پر یہ ترانہ ٹرینڈ کرنے لگا اور صارفین کی اکثریت نے اس پر ناپسندیدگی کااظہار کیا ہے۔