لاہور (سپورٹس ڈیسک) انگلینڈ نے بھارت کو چنائی ٹیسٹ ہرا کر چار میچز کی سیریز میں ایک صفر کی برتری حاصل کر لی، مہمان کپتان جو رْوٹ نے 218 رنز کی سپر اننگز پر مین آف دی میچ ایوارڈ اپنے نام کیا۔پہلی اننگزمیں انگلینڈ کا 578 کا پہاڑ جیسا ٹوٹل بنا ، جواب میں 337رنز بنائے۔ 242 رنز کی برتری کیساتھ مہمان ٹیم نے178 رنز بنا کر سورماؤں کو 420رنز کاہدف دیا۔کپتان کوہلی نے72 کی مزاحمت کی،  ٹیم 192 رنز پر ڈھیر ہوئی اور 227 رنز کی بری شکست کھائی۔ انگلش ٹیم کو ٹیسٹ چیمپئن شپ میں تیس پوائنٹس ملے، ٹاپ پوزیشن مستحکم کر لی۔