لاہور (نمائندہ سپورٹس)پاکستانی سٹار اعصام الحق قریشی آسٹریلین اوپن ٹینس ٹورنا منٹ کے پہلے رائونڈ میںآج  ٹائومی برکک کی جوڑی کیساتھ حریف پیڈرو مارٹنیز اور پبلو اینڈوجر کا مقابلہ کرینگے ۔ سال کے پہلے گرینڈ سلیم آسٹریلین اوپن کے تیسرے دن سربیا کے نوواک جوکووچ، میلوس راونک، ڈومینک تھائم اور امریکہ کی سرینا ولیمز اپنے اپنے میچز جیت کر اگلے مرحلے میں پہنچ گئے جبکہ سوئس کھلاڑی سٹیناس واورینکا اور پیٹرا کویٹووا شکست کھا کر ایونٹ سے باہر ہوگئے۔ سربیا کے نوواک جوکووچ نے امریکہ کے فرانسس ٹیافوکوچھ تین ، چھ سات ، سات چھ اورچھ تین سے ہراکر اگلے مرحلے میں جگہ بنالی۔کینیڈا کے میلوس راونک نے کورنٹین موٹٹ کو چھ سات،چھ ایک ،چھ ایک اور چھ چار سے ہراکر دوسرے مرحلے کے میں جگہ بنائی۔آسٹریا کے ڈومینک تھائم نے جرمنی کے ڈومینک کوفر کو شکست دے کراگلے مرحلے میں رسائی حاصل کی جبکہ ویمنز سنگلز میں سرینا ولیمز سربیا کی نینا سٹاجاناووچ کو چھ تین اور چھ صفر سے ہراکر تیسرے مرحلے میں پہنچ گئیں۔ کینیڈا کی بیانکا کو غیر معروف تائی پے کھلاڑی ہسی سو وائی نے ہرا کر اپ سیٹ کردیا،کینیڈا کی بیانکا کا کمزور حریف ہسی سو وائی سے مقابلہ ہوا۔ غیر معروف کھلاڑی نے پہلا سیٹ چھ تین سے جیت کر طبل جنگ بجایا، اسی جذبے سے کھیلتے ہوئے تائے پے کی کھلاڑی نے دوسرا سیٹ بھی اپنے نام کر کے اپ سیٹ کر دیا۔