پاکستان سپر لیگ ‘کھلاڑیوں کی کراچی آمد شروع
لاہور (نمائندہ سپورٹس)پاکستان سوپر لیگ کے چھٹے ایڈیشن کیلئے ملکی کھلاڑیوں نے کراچی کا رخ کرنا شروع کردیا، اسلام آباد یونائیٹڈ کے شاداب خان اور فاسٹ بائولر موسیٰ خان کراچی پہنچ گئے۔ مختلف فرنچائز کے آفیشلز اورغیرملکی اور ملکی کھلاڑیوں کی آمد کا سلسلہ بھی آج سے شروع ہوگا۔ فرنچائز کے سکواڈ مکمل ہونے پر کرونا ٹیسٹ ہونگے۔ رپورٹ کلیئر آنے پر بائیو سیکیور ببل میں جائیں گے۔ ٹریننگ سیشنز 15 فروری سے شیڈول ہیں۔
