لاہور (نمائندہ سپورٹس)لاہور پولو کلب کے زیراہتمام ایبک پولو کپ کے دوسرے دن ٹیم ماسٹر پینٹس اور بی این پولو کی فاتح رہیں۔ پہلے میچ میں ٹیم ماسٹر پینٹس اور باڑیز کے درمیان کانٹے کا میچ ہوا جو ماسٹر پینٹس نے آدھے گول کے فرق سے 6-5.5 سے جیتا۔ ماسٹر پینٹس کی طرف سے مارکوس پنیلو نے چار،جان کروز لوساڈا نے دو گول کیے جبکہ باڑیز کی ٹیم کو ڈیڑھ گول ہینڈی کیپ ملا دیگر میں ارینسٹو ٹروٹز نے دو، سنٹیاگوگومز اور سید محمد تراب رضوی نے ایک ایک گول کیا۔ بی این پولو ٹیم نے ڈی ایس پولو /اے ایس سی کی ٹیم کو 10-5.5 سے ہرا دیا۔ بی این پولو کی طرف سے الوکیو نے پانچ، راجہ میکائل سمیع نے تین، جان ماریو رئیوز اور بابر نسیم نے ایک ایک گول کیا۔